MAY INSOMNIA KABA?

Posts : 14 Join date : 11/07/2011 Age : 33 Location : pasig

WHAT'S UP DOC? Ni Dr. Tranquilino Elicaño Jr.

MARAMING sumusulat sa akin at isa sa mga problemang kanilang itinatanong ay tungkol sa hindi sila makatulog sa gabi. Hindi raw birong problema ang kanilang dinaranas sa insomnia.

Hindi lamang alcohol, caffeine at nicotine ang karaniwang dahilan kaya may nagkaka-insomnia o hindi makatulog. Mayroon ding mga drugs o sangkap ng drugs na nagiging dahilan kung bakit nagkakaroon ng insomnia. Kabilang sa mga drugs na ito ang steroids, antihypertensives, oral contraceptives, diuretics, stimulants, thyroid hormone, anti-cancer medicines at marami pang iba.

Kung kayo ay nagti-take ng mga nabanggit na prescription drugs o mga drugs na may mga ingredients na nabanggit at kayo ay nagkakaroon ng insomnia, makabubuting kumunsulta muna kayo sa doktor. Kailangang makita ng doktor ang dosage at nang ma-modify kung ano ang particular side effect sa inyo.

Apektado ng insomnia ang may one third ng mga adults. Mayroong paminsan-minsan lamang kung dumalwa sa kanila ang di-pagkakatulog at meron namang kasama na niya sa buong buhay. Ang stress at anxiety ang mga itinuturong dahilan nang pagkakaroon ng insomnia ganoon man itinuturo itong isang sintomas ng sakit. At maniniwala ba kayo na ang mga gamot na inihahatol ng doktor para sa nararanasang sakit ang dahilan ng insomnia. Iyan nga ay ang mga gamot na binanggit ko sa itaas.

Ipinapayo ko sa mga umiinom ng alak, naninigarilyo at nagkakape, bawasan ito at tingnan ninyo kung nagkaroon ng improvement ang inyong insomnia.